陳奕迅（Eason）昨日出席演唱會記招，但因被愛女不慎打傷右眼，全程要戴上黑超，公司安排他在一班肚皮女郎跳舞下出場，金髮女郎更送上飛吻，相信可令Eason減輕不少痛楚。他現已積極為個唱鍛煉身體，不時游水跑步練氣。
陳奕迅將於下月25至11月5日在紅館舉行一連12場演唱會，前後已三度加場。Eason昨日在尖沙嘴舉行記者會，在一班肚皮舞女郎跳着舞伴隨下出場，他顯得有點拘謹，與肚皮女郎保持距離，後來被氣氛感染下才擺動身體，之後應記者要求影合照時，站在他身旁的金髮女郎，更送上飛吻給他，輕撫他的臉龐。
「老竇要小心啲女」
Eason昨日全程戴上黑超，他說：「俾個女唔小心打到隻右眼，搞到隻眼紅晒，都已經係第二次，奉勸每個老竇要小心啲女，小朋友嘅嘢真係估佢唔到。」對於三度加場，Eason說：「當然係好興奮，不過都有啲緊張，第一次開雙位數，之前最多都只9場，𠵱家日日都操緊，游水跑步，希望練好啲氣。」他又說：「如果唔夠氣，唔知咪嘴得唔得呢？」問到會否再加場，他表示還未知道，但若加場他也可應付。
怕步學友爛尾後塵
Eason一連唱12場，被問到會否特別護聲，以免步張學友演唱會爛尾後塵時，Eason說：「都會小心啲，因為𠵱家啲天氣唔係幾好，減少啲應酬囉，盡量講少啲嘢，不過唔知得唔得呢？哈哈。」他表示今次演唱會希望與歌迷多些互動，快歌會較多，希望每位都可以跳舞，所以昨日特別安排不同的舞蹈員送禮物給Eason，當中包括重16両的蟠龍匯瑞擺設、相機和巨型漢堡包咕𠱸等。
採訪：胡比
攝影：陳慧安
