數月前說地鐵將有Wi-Fi覆蓋，終於有得試喇！暫時得港島線6個地鐵站有HotSpot，包括中環、金鐘、銅鑼灣、灣仔、杏花邨和北角，預計年底覆蓋至地鐵港島線全線、尖沙嘴及旺角等站。但平日上上落落不過幾分鐘，地鐵車廂又用不上，究竟短短時間可以做啲咩呢？
記者：馬靜兒 攝影：林栢鈞
Model：CiCi
站內企定定上網
PCCW強調其Wi-Fi熱點已能提供高達18Mbps的速度上網，但都要看看究竟同一時間有幾多人用，若果同時間有好多人用，速度自然慢啲。記者採訪當天，在中午的金鐘地鐵站試用Wi-Fi上網，速度都算OK。地鐵Wi-Fi熱點分佈在地鐵大堂及月台，你企定定在大堂或月台上網無問題，但如果想從大堂一邊上網一邊走落月台繼續玩就無可能，而且月台和月台間的樓梯及扶手梯都可能因網絡覆蓋不到而斷線。
WiMAX快過Wi-Fi
雖然Wi-Fi近年在港的熱點不斷以倍數增加，但其實外國很多國家已開始發展WiMAX技術。WiMAX是比Wi-Fi更先進、覆蓋範圍更廣、訊號更強的無線通訊科技，傳輸速度可達75Mbps。其實香港的無線上網技術遠遠落後於台灣、三藩市的無線城市，最近加拿大Montreal就有服務商宣布九月起開始全面提供WiMAX服務，香港真的要加把勁！
上網三合一硬件
要做到隨時隨地都上網，又要求最快的速度，PCCW最近推出智能網絡搜尋器，將它插入手提電腦，就會自動幫你揀選3G、HSPDA或Wi-Fi，HSPDA達7.2Mbps，Wi-Fi達18Mbps。如果身處的地方三個網絡都有齊，就會選用速度最快的Wi-Fi，否則會選用HSPDA或覆蓋最大的3G，實行大包圍。只要插入智能網絡搜尋器，就會自動替手提電腦安裝軟件。最重要的是不用打任何Password，方便好多，但只適用於手提電腦。
即場實試!
今次以HTC最新推出的P3600i測試，究竟在地鐵大堂和月台可以用Wi-Fi做啲乜？即睇！
3分鐘
Check電郵
想Check吓有乜電郵話咁易啦！
10分鐘
訂戲飛
入戲院網頁睇吓上咩新片先？
2分鐘
揀餐廳
未出站口已經搵到餐廳，好快！
2分鐘
等車睇片
喺月台等車咁悶，睇吓短片先！
2分鐘
睇新聞
上外國新聞網睇吓有乜嘢發生。
4分鐘
上MSN
可以透過MSNSend相畀朋友。
盲點逐個捉
