無綫在下午時段重播千集處境長劇《真情》，昨日召集劇中一班演員在將軍澳一酒家「有情再相聚」，黎萱、蔣志光、薛家燕、滕麗名、白茵、馬蹄露和鄭子誠等眾人久別重逢，即場分組炮製燒味拼盤，砌出「真情」二字。
《真情》養大仔女
薛家燕中途加入《真情》，好姨一角成為家燕姐人生的轉捩點，她說：「唔係好姨就冇我，我三個仔女都係《真情》養大，大女22歲，大學畢業，唔感觸就假，拍《真情》真係喜怒哀樂。」自《真情》好姨之後，家燕姐風生水起，至今10年間保守估計賺了逾半億，她說：「呢個稅局都知，冇得呃，都係因為《真情》、舞台劇、好多廣告支持。」
滕麗名記得當年加入《真情》的模樣，她說：「當年個樣諗起都驚，不過我個人就係唔應該記就唔會記住，我強調我係減肥成功，瘦咗十幾磅，冇整過容。」
採訪：楊潔雯
攝影：葉君海
