鄭伊健昨日出席商台的《一台綠色》記者會，宣傳環保訊息，連有關他的是非新聞，也用環保話題來擋駕。伊健說：「有啲雜誌真係好唔環保，印書嘅紙要斬樹木得嚟，又帶出唔好嘅訊息。」
「有冇家教？」
伊健雖說不生氣，但問到其女友蒙嘉慧是否不肯生育及戲弄Jacky仔時，伊健即維護女友說：「呢啲宣傳仲離譜，最重要係幫套劇，都唔係第一次，呢啲係其中一種宣傳，只係人哋搵你過橋，大家都食飯，但唔好攞埋人哋飯碗。」
早前伊健和家人出外吃飯被雜誌追訪，他說：「真係搞到好尷尬，舖頭入面好多議員，影都要有秩序，有冇家教呢？間舖頭係人哋嘅，我爹哋覺得好尷尬。有次佢哋為咗影一張相，用架車攔住出入口，無法無天，覺得幾離譜。」
採訪、攝影：王連連