以前電腦同印刷科技冇咁發達，香港戲院好興用大型手繪廣告板，不過今時今日香港戲院用手繪圖真係買少見少，呢種傳統手藝亦近乎失傳，喺外國都好少地方用，但原來韓國有啲偏遠地區，當地戲院廣告仍然會用人手畫，可惜班師傅嘅畫功麻麻，畫到啲明星變晒怪獸。
全度妍慘白
好似喺《挑情寶鑑》幅廣告畫入面，裴勇俊平日嘅俊俏靚樣，忽然脹過麵包超人，全度妍就仲慘，畫到比俊哥更似白面男人。另一幅《野蠻師姐》，就點睇都睇唔出畫中人係全智賢，仲有啲陰陰森森嘅感覺㖭。
至於文根英同金來沅等型男索女都無一倖免，個個變晒妖怪。最慘係連張國榮嘅遺作《異度空間》，廣告畫入面竟然畫到佢面容扭曲，身為哥哥fans嘅阿Deep真係睇到激心。
網址： http://kr.fun.yahoo.com/NBBS/1201612619
版主：網盜王尊尼Deep
本欄逢周一至五刊出