前尼日利亞國腳奧高查，周一晚喺英冠侯城包廂睇住球隊不敵「升班馬」黑池1:2，據講佢快將披起侯城球衣作賽！上季「超」光熠熠嘅史篤城咁鬼成功，侯城睇見「豬肉」在前，諗住照辦煮碗，繼重金禮聘韋根中鋒卡雷布科蘭回巢後，日前又執多件前英超守將賀爾，但我求大俠睇完場波，都係勸賭友咪心急追佢哋。