莫文蔚（Karen）早前接拍內地導演張一白的新戲《迷果》，他的前作《好奇害死貓》在香港大獲好評，Karen自言因此片成為他的戲迷，故這趟張導演為她度身訂做的伴唱公關角色，要她在十多名工作人員面前穿性感透視魚網裝走來走去，更因天氣太熱而瘦了6磅。
被內地影圈評為最有商業價值的導演張一白，早前替驕陽電影開拍新戲《迷果》，電影在重慶取景，除內地演員蔣雯麗及新人檀健次外，香港演員莫文蔚、陳奕迅（Eason）及曾志偉亦參與拍攝。Karen飾演在卡拉OK伴唱的風塵女子，在片場內不時要穿性感魚網絲襪及短褲走來走去，不過她表示毫不介意。
「𠵱家100磅唔夠」
日前Karen為《迷》片開工時說：「重慶天氣熱，着短褲凉快啲。不過真係好熱，拍咗一段日子，出汗已經令我瘦咗成6磅，同埋天氣熱都唔係好想食嘢，帶咗啲食物嚟都冇食過，搞到𠵱家100磅都唔夠。」
Karen透露自從看過張一白的兩部作品《好奇害死貓》和《夜上海》後，非常欣賞對方，所以山長水遠要在重慶最熱的天時開工，也在所不計，Karen說：「其實導演話喺最熱嘅天氣開工係有意思，等啲演員躁啲，鬧起交嚟更加有火，因為我哋有幾場鬧交戲。」她又自爆為了更清楚認識伴唱公關的工作，更和一班工作人員夜探風月場所，不過就令她很失望，Karen笑說：「唔知係咪我喺度嘅關係，大家都係好普通傾偈飲酒，睇唔到啲乜嘢。」
Eason夥拍蔣雯麗
此外，同片演出的Eason雖然只有三日戲份，但仍然非常投入工作，他說：「呢個係夢幻組合，有志偉同Karen，而蔣雯麗亦都係內地好出色同有名嘅演員，我同佢最多對手戲，所以唔可以偷懶。」
採訪、攝影：曾小嘉
