幾經辛苦，祖雲達斯後衞薛比拿前日作客卡利亞里爭到個正選位，唔知係咪緊張得滯，下半場喺禁區內攬實對方球員輸12碼，之後老羞成怒同球證理論，兩黃一紅被逐離場；咁都未算衰，佢離場後仲掌摑記者，完全失控；記得佢兩年前喺呢個球場被矮仔蘇拿力壓頂入，成為笑柄，今次又搞成咁，薩丁島都算係佢嘅凶地。