博愛醫院前晚喺新光戲院搞咗場粵曲晚會，身為博愛主席嘅林建康叫埋媽咪林余寶珠粉墨登場，結果籌到二百幾萬。開場前，見黃夏蕙（圖）喺大堂四圍走，講開佢被指拖欠租金而遭封屋，佢話代表律師幫佢去匡湖居拎番啲家當，不過就得三袋文件，其他嘢連護照都唔見咗，仲話要去八両金屋企借宿㖭。