近日榮升老竇嘅謝霆鋒噚日接受商台電話訪問,佢話95歲嘅嫲嫲專程喺加拿大來港探BB。問佢𠵱家係咪有仔萬事足?佢忽然好感慨咁話:「我𠵱家只係得27歲,雖然都經歷過好多嘢,好話唔好聽連監都坐過,不過對比我嘅嫲嫲,佢嘅經歷咪仲多,所以𠵱家真係唔敢講,不過我哋成家人最近都好開心。」馮仁昭話齋,一家人開開心心先最重要!