廣告約禁婚 唔敢認許太<br>李嘉欣收警告信嚇到瘦

廣告約禁婚 唔敢認許太
李嘉欣收警告信嚇到瘦

李嘉欣的言行似乎比天氣還要變得快,早前她才當眾默認榮升許太,但前晚瘦了一圈的她出席皮鞋活動時,竟自爆因仍身繫多張註明不可結婚的廣告合約,故未有結婚打算。不過說歸說,做完活動酬勞袋袋平安後,嘉欣又與男友許晉亨十指緊扣到銅鑼灣富瑤酒家甜蜜開餐。原來不止巴士阿叔有壓力,做豪門闊太都有壓力。

李嘉欣的言談舉止向來難捉摸,上月底她公開表示稱呼她做許太都一樣,默認了和男友許晉亨6月赴美結婚的消息,但前晚她到中環出席鞋店VenillaSuite活動,宣傳由她設計的「madetolove」鞋履系列,疑因受廣告商施壓,竟反口否認已婚。

亨亨不知情

前晚穿着露肩衫襯長褲的嘉欣雖然漂亮,但明顯越來越瘦,我見猶憐,其間她更向記者自爆有壓力:「我最近收到啲客戶嘅信件,話我結咗婚同有咗BB都唔通知,差啲要控告我違約!我今次想一次過澄清:我未有打算結婚,未有打算懷孕!」她透露廣告客戶如Loreal及內地多個品牌,都先後發信給她。
問嘉欣是否合約訂明不能結婚?她直認說:「係,有啲係唔可以,有啲就要第一時間通知。」合約期還剩多久?她說:「無了期,我自己其實都冇(結婚)呢個打算,所以冇俾縛住嘅感覺。」她又指許晉亨對她有合約在身而不能結婚一事不知情,但對於早前默認許太身份,她說:「係有好多人恭喜我,不過我唔想多講自己私事。」
以沒打算結婚但沒清楚交代自己是否已婚的嘉欣打圓場後,即坐車到銅鑼灣富瑤酒家開餐。

路人:你好靚

晚上11時,她與許晉亨十指纏實牽手離開,當時湊巧有數名女途人經過,她們乍見嘉欣即大聲說:「你真係好靚呀!」她聞言後笑不攏嘴,然後由男友傍實她上七人車,齊返女方渣甸山香閨短敍,10分鐘後車輛拉上布簾駛離,並直返男方舊山頂道寓所。
採訪:羅慧敏
攝影:娛樂突發組、葉君海

許晉亨前晚拖着弱不禁風的李嘉欣到富瑤開餐,但女方越來越瀟湘,瘦得我見猶憐,難怪亨亨全程傍到實。

在鞋店活動中表演的外籍女模身形豐滿,與纖瘦的李嘉欣成對比。