05/09/2007.....
天晴有驟雨
最新動態
呢排最多人談論嘅歐洲球壇新聞，相信係C朗召妓。有睇過喺香港上映唔賣座、搞到第2集只出DVD嘅《一球成名》嘅波友都知道，單身球星，要女伴真係要幾多有幾多，使唔使拎十萬八萬元出嚟尋春呀？
不過有時男人想尋刺激嘅心態又可以理解，睇過一本去年熱賣嘅《250天倫敦應召日記》裏面講過，喺英國呢類伴遊公司多不勝數，貨源足兼質素不弱，而且方便快捷，一call即到咁滯；位處英國西北部嘅曼市生活有幾苦悶，好多去過奧脫福睇波嘅球迷都知，而且適逢C朗處停賽期，成班𡃁仔寂寞難耐屬少男常事，最抵死仲係位性工作者話嫌C朗短癮兼冇情趣。
C朗出身寒微，成名後要威要型嚟炫耀自己；呢件事對佢嘅名聲影響唔細，佢唯一可做，係嚟緊代表葡軍迎戰波蘭同塞爾維亞兩場歐國盃外圍賽生死戰盡騷「哥利」，再高呼「叫雞無罪，我係場內場外嘅terminator（未來戰士或譯作殲滅者）！」
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/
逢周一至五見報