內地供港牛隻緊張，首當其衝是打邊爐的肥牛越來越矜貴，甚至要配給供應，「牛癡」阿翼日前與朋友到一間標榜「任食」的酒樓打邊爐，由於一班朋友也是「牛魔王」，他們落單20碟肥牛，怎料酒家經理表示沽清，氣得他們拍枱怒罵經理，迫對方屈服，速速送上多碟肥牛肉。
阿翼在迷你論壇講述這宗騎呢「搶」食肥牛事件時仍氣在心頭，「落單後個經理拎住一碟仔過嚟，話肥牛冇晒，不如叫第二樣。跟住我哋成班友勁嬲，我拍咗一下枱，大大聲咁講『打．邊．爐．冇．肥．牛！』佢見唔對路就話入去睇多次，之後死死氣咁拎出嚟。」
為了食牛肉竟然要發惡，很多迷你論壇網友都說阿翼太冇修養，要扮黑社會才有肥牛落肚十分誇張，阿翼解釋他們平時是斯文人，當日一時衝動才發火，他質疑酒樓待客不周，「打邊爐最貴係肥牛，我哋食咁多，食窮佢，所以佢要收起啲肥牛。」網民「Neodeep」則替阿翼及他的朋友擔心，「嗰啲肥牛好大機會加咗料，你哋有冇事？」