𠝹女王陳浩民前晚在灣仔拍攝新歌MV，邀請在國產電視版《食神》中飾演醜女「雙刀火雞」的21歲北京高妹馬梓涵擔任女角，後者身穿性感bratop，打扮惹火，但陳浩民竟緊張其保時捷戰車被抄牌多過昅女，實在難得。
現年38歲的陳浩民緋聞成籮，早前他才被拍得夜會傅明憲，但前晚他身邊女伴又轉，換上北京高妹馬梓涵，原來他邀請對方為其國語新歌《當你不在我身邊》擔任MV女主角，可是他全程與對方企到離行離列，極少交流。
前晚陳浩民在灣仔一間酒吧包場拍MV，其間他曾外出，坐的士到一洗車屋取回其保時捷跑車，再駕車返現場，但卻違規泊於畫上雙黃線的路邊，拍攝時經常竄到街頭視察其戰車有否被抄牌。
捧蒸餾水唔幫手
曾在國產電視版《食神》中，接莫文蔚棒演醜女「雙刀火雞」的馬梓涵，MV造型戴上冬菇短假髮，穿着bratop襯熱褲，雖然打扮性感，但陳浩民眼尾唔望，就連對方拍完後捧着一箱蒸餾水上車，他也無動於衷，反而不停望實跑車，後來攝製隊轉往馬師道取景，陳浩民也沒載馬梓涵，獨自駕車往停車場，泊車到後巷拍了半小時後即單拖取車離開。
陳浩民經理人Samual昨日表示，陳浩民和馬梓涵之前合作拍過《食神》，故邀馬梓涵擔任MV女角，至於會否擔心傳緋聞，Samual說：「就係因為成日傳緋聞，公司諗住同佢搵個固定嘅，嚟緊佢哋會一齊拍戲，希望變成螢幕情侶。」
採訪、攝影：娛樂突發組
