台灣觀光協會喺暑假嘅旅遊展，搞咗個台灣時尚雙人溫泉遊機票連酒店優惠套餐，二人價3,333元，包來回台北機票、一晚入住宜蘭日式礁溪老爺酒店、機場接送、台北捷運一日票等。小妺同男友早幾日玩完返嚟，不但抵玩，仲好窩心！
等我計吓數，套票每人計1,600蚊，單係機票要成千銀啦，間酒店房價每晚成1,200蚊，套票實在好抵，而小妹亦住得好開心。
全部活動免費
一出桃園國際機場，酒店就派私家車接機，直駛位於山區嘅酒店，環境好鬼舒服；checkin後，仲有個靚靚女職員帶我哋上房，唔單止跪喺度講解酒店設施，仲冲埋茶㖭；之後小妹到酒店附近行山，門口女職員笑笑口問我要唔要礦泉水，好體貼喔。
酒店設施都好掂，室內戶外溫泉任浸，仲有醫生魚啄腳仔；由早到晚仲有唔同活動，有行山導賞團、手工藝班、踏單車、放天燈、學瑜伽、睇螢火蟲，全部都係免費。下次台灣觀光協會搞呢啲筍團一定要報，而呢間窩心溫泉酒店都值得去住。
逢周一至周四刊出