現年31歲的張燊悅將於11月與拍拖三年、立法會議員楊孝華次子楊哲安結婚。待嫁的她前晚幸福滿溢，笑言自己患上婚前暴食症，體重驟升10磅，她更大方祝福早前榮升父親的前男友雷頌德。
舉行得如火如荼的LuxuryWeek時裝騷，前晚由美國品牌DianevonFurstenberg接棒登場，吸引了名模琦琦、張燊悅、鄧永鏘女兒鄧愛嘉、林學華和設計師何志恩等捧場。
結婚生仔一步步
11月披嫁衣的張燊悅風騷非常，她說：「婚禮搞得七七八八，我冇婚前恐懼症，反而有婚前暴食症，由原本90幾磅，肥咗10磅，已經過咗100磅。」問是否幸福增磅？她說：「唔係，係緊張就真。」
對於前度男友雷頌德早前榮升老竇，張燊悅說：「我都有恭喜佢，係傳短訊畀佢。」問她可會盼生兒育女？她說：「結咗婚先啦，呢啲順其自然啦。」即婚後不設防？她不好意思說：「應安全就安全，唔安全咪唔安全，結咗婚咪安全囉！」
琦琦囡囡發高燒
此外，近期甚少露面的琦琦，透露囡囡Ella感冒，連日相陪而推卻工作，她說：「佢之前發高燒，燒到上40度，三日都冇退燒，我好擔心，為咗陪囡囡推咗啲job。」
琦琦續說：「佢瘦咗一磅有多，之前佢嘅patpat好似J.Lo咁靚，𠵱家瘦到冇晒，家陣佢好番，我聽日（即今日）就要復工，起程去北京影相。」提到老公任達華失意金紫荊，琦琦謂有提名已等如贏了一半，有認同最滿足。
採訪：JessicaNgan
攝影：MatthewLam
