04/09/2007....
密雲
最新動態
同好多中年男人一樣，耳濡目染下，自細已喜歡賽馬；做過馬經版，又好彩攞過全季最佳評馬人季軍獎，加上死黨T乃狂熱賽馬份子，為咗同佢有多啲話題維繫呢段友情，所以咁多年都未放棄過。剛翻看馬經版，又見季前試大閘，即係話新一個馬季又嚟喇。
死黨T成家立室多年，平時都幾忙㗎；佢上個禮拜罕有來電，原來想叫我嚟緊禮拜日一齊入馬場，那一刻我即時有荷包將會唔見一截嘅感覺。近年我對賭馬興趣大減，每周要同嗰百幾二百場波盤鬥智鬥力，相反投放喺刨馬經嘅時間越嚟越少。連馬名都未記得，所以越嚟越覺得買馬好似個電視廣告咁「抬啲錢倒入海」，何況入到場實焗賭，唔通你去曬太陽咩！
不過友情無價，平時各有各忙，難得聚頭，所以還望T先生貼士靈靈性性，令我能全身而退。
http://hk.myblog.yahoo.com/footballexperts/
逢周一至五見報
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。