去旅行住酒店不少人都會把房間內物品據為己有，這些物品多是用完即棄且體積細小，拿走無非是留作紀念，不過網民費安娜的兄長卻非常大貪。「有冇人會拎酒店梘液、拖鞋同其他東西返嚟，我大佬喺日本拎埋以上幾樣嘢返來，仲要大大樽嗰隻，要寄倉。」
據網民bill_mimi解釋：「其實日本有啲酒店為了環保，已經唔再放細樽裝嘅梘液、洗頭水同護髮素，改放大支裝，你大佬會唔會係拎走啲唔應該拎嘅大支裝呢？」不過，網民keanice就說：「我都拎過一次，因為喺日本間酒店係貴嘢，洗頭水同冲凉液都係名牌子喎！」
除了梘液及洗頭水，不少網民都愛順手牽羊，有人會拿火柴，有人拿剃鬚刀，有人拿樽裝水，甚至浴帽和毛巾都不放過。
有網民認為不問自取是為賊也，網民kxkx卻說：「酒店咩嘢要收錢寫得好清楚。」網民kywinkywin認為那些是「小禮物」，不算得上是盜竊。