不是寃家不聚頭，何況在香港小小的名模圈？混血女模Rosemary與AnaR.一對好姊妹月前鬧不和，互相指摘，冷戰一輪，昨日兩人又在中環同場做騷，一埋位自動波各自用玉背「得」住對方，互不理睬。同場已榮升媽咪級的李嘉慧就懶理世俗煩事，大談愛女與護膚。
高級護膚品牌LaMer昨日在中環四季酒店推出新眼部修護用品TheEyeConcentrate，吸引大批名媛靚太到場，包括賭王何鴻燊女兒何超鳳、葉梁美蘭、何明懿、馬詩慧、司馬燕、李嘉慧和陳沛嘉等。
自動向左向右
LaMer找來六位名模穿上華麗晚裝穿梭場中，早前不和的一對混血名模Rosemary與AnaR.，再次碰頭，兩人出場時更被安排前後出場，一站到佈景板前兩人即時自動用背脊「得」住對方，一個向左望，一個向右望，全程沒擰轉面及眼神接觸，冷戰持續。
此外，眾女模大談美容心得，李嘉慧謂非常注重眼部護理，她說：「因為女仔眼靚，第一眼就會draw到人注意，我自己除咗塗eyecream，連眼都會搽防曬。如果朝早有工作，我會起身就用冰塊敷眼幫助消腫，或者提早幾個小時起床，等佢慢慢消腫先開工，保持最佳狀態。」
不望女兒資優
提到新學年又到，李嘉慧謂希望囡囡將來不是資優兒童，她說：「如果係資優兒童，要安排好多嘢畀佢學，做父母都會壓力好大，我有朋友就係咁，要睇心理醫生。其實只要個女乖、聽話、健健康康就足夠。」
採訪：MaggieLaw
攝影：ChanChiLam
