03/09/2007.....
驟雨
最新動態
前兩日睇過一個電視節目，主角係介紹賭博世界裏嘅傳奇人物、潮州怒漢詹培忠，睇完好有感覺，其中佢嘅金句：贏谷輸縮，心清數熟，夠毒知足！剛過去一個禮拜我就有咁樣嘅遭遇。
做足功課，明知富咸後防不濟，叫晒班好友、甚至勸番熱刺躉華度買嘅讓平/半熱刺上盤，喺大部份時間領先2球下，最後1分鐘輸個倒掛波，和富咸3:3，雖然只係輸半個盤，但幾乎即場暈倒；其實輸贏好閒，不過自覺近期運氣不弱，呢類咁失運嘅情況竟發生喺自己身上，唯一倖存者，同事M走去買入球「大」，好嘢！
所以之後全晚都按兵不動，做到詹兄講嘅「輸縮」，記住敢輸唔敢贏，好易傾家蕩產，唔係賭場點會有咁多叠碼仔，追數心態要不得；強勢斷纜都係收吓手咯。做人要知足！5蚊買嘅建行（939），不消兩個多星期，股價已去到$6.6以上，3成幾利潤，自己已心滿意足，吼低位轉揸龍尾股等下個升浪好咯。
逢周一至五見報
http://hk.myblog.yahoo.com/footballexperts/
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。