噚日同一個由細識到大嘅好朋友慶祝生日，呢個朋友各位都識㗎，由細細個陪到我哋成長嘅呢……唔係譚玉瑛姐姐，係多啦A夢呀！佢係2112年9月3日出世嘅，處女座。（2112年？咁其實佢生咗日未呢吓？）
多啦A夢生日咁大件事，日本人梗係好重視啦，噚日去到日本雅虎網頁（ http://www.yahoo.co.jp/），就見到頭版刊登咗呢段消息，而且仲教大家去尋找多啦A夢，就係位於富士山腳嘅山梨縣河口湖，因為呢度就係嚟緊多啦A夢新電影《大雄與綠色巨人》嘅「拍攝地場」，嗰度綠草如茵，好有大自然氣息。大家可以喺新宿搭巴士去，往富士山五湖方向就得。
詳情去睇多啦A夢日本網頁（ http://doraemon.yahoo.co.jp/），雖然係日文，但有好多公仔指示，大概都睇得明。
逢周一至周四刊出