李珊珊與錢嘉樂的戀情去年無疾而終，不過最近傳出男方再度出擊，展開追求攻勢，戀情更由紅燈轉綠燈。嘉樂前晚坦承兩人近日多了見面，言談間不排除有望復合，但他希望大家可以給予兩人多點發展空間。
李珊珊與錢嘉樂的8年情去年突然畫上句號，近日卻傳出兩人復合的消息，珊珊日前承認彼此最近多了溝通，但正待男方表白。記者前晚致電嘉樂，被問到是否已經成功追回珊珊時，他不置可否說：「我哋近排見面多咗，都有成日一齊食飯，不過我呢排都好多嘢做，等我處理好啲工作先講，希望大家可以畀多啲空間我哋。」其實兩人既合襯又登對，甩拖實在可惜，對此嘉樂開玩笑說：「你講高度嘛！」
讚梁朝偉表現投入
嘉樂最近客串李安執導的新片《色，戒》，並飾演梁朝偉的手下，對於偉仔與湯唯的大膽床戲，嘉樂表示接過劇本時早有所聞，那麼他會否羨慕偉仔艷福不淺？嘉樂說：「呢次係我首次同李安合作，況且又只係客串，冇得羨慕。」問嘉樂與李安首次合作感覺如何，他說：「佢係一個好好嘅導演，每次開工前都必定主動去化妝間同演員溝通，講解每日拍攝程序，雖然拍攝時間係會因應長咗，不過咁樣演員會拍得好舒服，花多啲時間絕對值得。」
早在97年，嘉樂執導電影《最佳拍檔之醉街拍檔》時已跟偉仔合作過，他說：「偉仔攞過中外唔同頒獎禮嘅影帝，演技毋庸置疑，呢次我哋再合作，我留意到佢喺拍攝場地好用心參與演出，有時未有佢嘅戲份，偉仔都唔介意出片場等候，佢做每場戲都好投入。」
衛志豪：按兵不動
另一方面，李珊珊前晚接受電話訪問，提到會否捧場看嘉樂主演的《色，戒》時，她大方地說：「有時間我會去睇嘅。」而李珊珊的緋聞男友衛志豪，昨日被問到對方與錢嘉樂復合一事，衛志豪表示早前一同現身上海賽車活動，熟悉當地賽道的嘉樂親自教導珊珊，當晚他與兩人也有把酒談心，他說：「我冇聽過佢哋復合，暫時按兵不動，我唔係指自己。不過希望佢哋可以做到，會替佢哋開心。」
採訪：比華利
