MaggieQ越洋到荷李活搵食後，雖有機會跟湯告魯斯（TomCruise）及布斯韋利士（BruceWillis）合作，但像很多亞裔女星一樣，被迫轉型做打女。上星期MaggieQ就現身美國清談節目，宣傳她最近開畫的胡鬧搞笑片《BallsofFury》，還要陪笑教主持ConanO'Brien耍功夫，認真無奈。
女星MaggieQ在香港發展時儘管拍過不少動作片，但仍以賣型格及性感為主，少有拳打腳踢，無奈亞洲演員只懂打功夫這種思想，在美國根深蒂固，因此近年MaggieQ去到荷李活發展後，也被迫變身成武打女星。先前她主演的《虎膽龍威4.0》（DieHard4.0）中，劇情需要跟布斯韋利士瞓身肉搏無可厚非，但她在近日當地上畫的搞笑片《BallsofFury》中，卻仍然要扮演功夫女郎，可見她的戲路非常局限。
笑位低俗受落
上星期MaggieQ去到清談節目《LateNightwithConanO'Brien》宣傳新片，一出場樂隊就奏出功夫味十足的音樂歡迎，不過大方的MaggieQ仍滿面笑容。主持人ConanO'Brien跟MaggieQ寒暄兩句之後，即播出她在《BallsofFury》中的動作場面，從片段所見這齣新戲胡鬧之極，打鬥當中又夾雜低俗笑位，例如其中一招MaggieQ就把敵人的褲子脫下攻其要害，不過美國觀眾仍然偏愛這種70年代港式諧趣功夫，片段完畢後節目的現場觀眾均拍爛手掌。
亂踢拍手叫好
之後主持人Conan跟MaggieQ的訪問話題，仍然環繞拍動作戲的趣事為主，包括跟成龍合作《80日環遊世界》（AroundtheWorldin80Days）時，對方在片場的瘀事。之後Conan講得興起，要求MaggieQ即場教他踢腿，她也惟有扮專家頂硬上奉陪。
由於負責教的MaggieQ只得半桶水，負責學的Conan又一心惡搞，到最後Conan亂踢一通，MaggieQ哈哈拍手叫好，總之大家高興就是。幸好MaggieQ跟伊雲麥葵格（EwanMcGregor）及曉治積曼（HughJackman）合演的劇情片《TheTourist》將於年尾上映，相信到時觀眾有機會看到MaggieQ演技的一面。
哈利仔有嘢噏
其實並非個個女星去到荷李活都要打一世功夫，好似楊紫瓊𠵱家一樣有科幻片同劇情片拍，希望MaggieQ都有真正發揮自己演技嘅一日啦。
蘋果娛樂特派評述員哈利仔