鬼月未過，同大家講鬼古。八、九年前阿A同阿貴去芭堤雅旅行住酒店，分別瞓兩張床，臨瞓前阿A突然心緒不寧，於是開着床頭燈先瞓；點知阿貴嫌太光熄咗盞燈。
阿A突然聽到怪聲，見到一個男人坐喺床，伸手去枕頭底摷嘢：「如果佢只係賊，點解我唔郁得？」阿A心裏一寒，然後將記得嘅佛經、聖經、道德經（吓?）都念出嚟，個男人好驚咁望住佢先走開。阿A攰到繼續瞓，第日同阿貴講：「又話酒店房本聖經打開先代表有鬼，但本聖經明明合埋㗎。」阿貴爆咗句：「聖經本來係打開㗎，我合番埋佢之嘛。」
阿A係咪我，自己諗啦。講鬼古係因為會送改編驚慄大師StephenKing同名小說嘅《1408》戲飛，係講房號1408內嘅靈異事件。套戲9月13日上映，9月4日有特別場，大家寫上姓名、聯絡電話、「蘋果消費blog讀者索取禮物」字樣，電郵去[email protected]登記，共有40張飛，每人限兩張，先到先得，送完即止。
逢周一至周四刊出