坐地鐵或九鐵時，總遇到缺乏公德心的人，不讓座予有需要人士、大聲講電話、開大喇叭玩PSP等，網民假腸最痛恨遇到「柱男」、「柱女」，尤其人多擠迫時：「我今次真係唔知揸邊個位好！」
網友大地的憤怒建議：「揸頭髮囉！痛鬼死佢！」MEL9566贊成：「靜雞雞綁住佢啲頭髮。」FlameArcher認為這是個好主意。GACKT笑說：「通常我會趁煞車嗰陣，大大力揸落佢背脊！呢招贏梗！」小喵女則會「大力攝隻手去扶。」Berserker也氣憤說：「係啦！啲人一啲禮貌都冇-_-"」
「無知」最憎：「啲人繁忙時間塞住個門口，阻住人落車，俾人撞開仲要藐嘴藐舌，真係想打巴佢！」喪B則認為：「人多都冇計，佢哋可以的話，都想讓開啦！」