黎明前晚率領AMusic一眾歌手於會展演出「AJohnnieWalkerMusicShow901凝聚音樂力量」音樂會，楊千嬅打頭陣出場，黎明壓軸，還有來自韓國的BoYoung全晚鋼琴伴奏。
沒膽穿比堅尼
早前收身成功的衞蘭穿着短裙出場，卻露出粗壯大腿，衞詩接受訪問時透露最近又發胖了，還不介意展示豬腩肉，在旁的衞蘭大叫：「Crazy，你儍咗呀？」衞詩表示已接下收身廣告，希望能減至102磅，屆時她不介意穿着比堅尼展示靚身材，衞蘭則說：「我就唔着得比堅尼，好怕醜嘛，我驚人哋始終覺得我係肥妹，冇咁大膽呀。」千嬅透露正積極減肥，她由123磅減至現時119磅，目標是110磅。
黎明在台上談及拍攝《梅蘭芳》時要扮女人，他說：「京劇啫，要留長頭髮㗎，我講唔出係乜感覺，做男人有做男人嘅舒服，每個人都辛苦㗎，要搵一個令自己開心嘅方法囉。」
採訪：胡比
攝影：葉君海
