「咁都得？」荒郊野嶺要找洗手間，並不容易，網民「mefong」早前到大嶼山旅行時，遇到有人急不及待，出現「隨街大便」情景，mefong竟不將相片中人打格，貼圖到uwants討論區，眾網友看不過眼，狠批mefong比相中人更缺德，懷疑相中人根本就是mefong或他朋友！
「起碼打個格仔！」
網友「Onlinefree」狠批mefong：「唔好咁唱衰人啦！起碼打個格仔！」nakata88也看不過眼：「條友係好核突，但都唔使post人個樣出嚟！」「FloveH永遠」也說「你貼呢張相，可以告你！」
tsang1293勞氣說：「我返工等車時都見過有個阿伯忍唔住，褲管同鞋都係。你鍾意笑人，好大機會自己都有呢日！」stephen87：「我覺得喺山區見到米田共，都好過見到膠樽同膠袋！影人呢啲行為我都玩過，但唔會post上嚟咁冇品。」bigbirdhero大鬧「樓主比開大嗰位仁兄更加缺德」。
有網友看過照片後說感到嘔心，「jerry2478」還煞有介事：「我好似聞到陣屎味！」「FloveH永遠」質疑說：「有幾嘔心呀？我想問，山路都叫做隨街咩？你識唔識佢？佢唔識你會對住鏡頭？係咪你叫人扮嘢呢？」