許志安（右）噚日以東華愛心之星身份，喺葵芳一個商場為東華籌款，仲身體力行着上愛心T恤喺現場義賣，又即場買咗10件T恤送畀屋企人。安仔話由於屋企兄弟姊妹好多，細個時佢哋成日調亂內褲着，又由於佢喺屋企排行最細，所以佢特登喺屬於自己嘅內衣褲度寫咗個「S」字，避免哥哥姐姐着錯，估唔到年紀小小嘅佢又諗得幾周到喎。