呢排港股大幅波動，有冇發覺身邊唔少炒股嘅家人同朋友，情緒同大市一樣──大上大落。其實唔止香港，大陸股市亦都唔見得風平浪靜，有大陸網友嘅老公就因為迷上炒股，令到好多生活細節都改變咗，搞到老婆同阿仔哭笑不得。
貪意頭喜牛厭熊
網友團隊之星話：「我老公得閒就坐喺電腦前面睇股票，有次喺屋企煲水，撞啱水滾，我就喺廁所忙緊，於是叫佢：『仲唔快啲熄火，水漲到快滾瀉喇！』點知老公好興奮問：『漲幾多巴仙？』」
迷上炒股嘅老公對個「熊」字亦變得好忌諱，對個「牛」字就好鍾意。佢夾硬要將阿仔作文裏面嘅四字詞「虎背熊腰」，改做「虎背牛腰」。
仲有，老公對紅色越嚟越敏感，有次喺街見到一班着紅衫嘅美女，佢眼甘甘望住人哋，仲口噏噏話：「今天行情真係唔錯，咁多紅盤。」搞到俾人以為佢係色狼。
出痘痘 當正喜訊
仲有，我臉上出咗3粒「痘痘」，已經好躁。老公見到仲大叫話：「天啊，咁樣嘅佈局真係靚，典型嘅底部『紅三兵』，𠵱家大膽買入，後市一定會爆漲。」我嘅回應係：「三粒『痘痘』已經夠火，你仲火上加油！」於是，急火攻心嘅我「星」咗佢幾巴，嚟個十分徹底嘅震倉洗盤。
http://big5.xinhuanet.com/gate/big5/www.hq.xinhuanet.com/women/2007-08/27/content_10972902.htm