【本報訊】沙田博康邨對開沙田路昨晨發生驚險車禍。一部平治四驅車失事撞石壆後在路中翻滾，壓中一部駛至平治房車車頭。平治房車司機事後大呼命大：「好彩唔係壓中車頂，如果唔係我同個乘客就會被壓死啦！」。肇事四驅車司機自行爬出車外僅受輕傷送院。
翻了多個觔斗
昨晨9時許，經營水上運動用品生意姓黃（43歲）男子，駕駛一部值47萬餘元平治ML320平治四驅車，沿沙田路快線落斜駛往大埔方向，至博康邨對開時失控撞向右邊石壆，因撞力猛烈繼而反彈路中向左翻滾，打了多個觔斗衝過慢線。剛巧一部載有兩人平治S320L房車駛至，閃避不及被翻滾四驅車壓中車頭，肇事四驅車繼而四輪朝天，右前轆飛脫碎片四濺，兩車均告毀爛。
意外中四驅車司機手腳受輕傷送院。無辜被禍及的平治房車，司機姓何（58歲）從事製衣生意，當時他正載同一名男友人往大埔行山，幸兩人僅受驚未有受傷，事後頻呼好彩、命大：「睇住架車撞石壆翻轉打觔斗衝埋嚟，但煞唔切避唔開結果被撞正，好彩只係壓中車頭，無成架車壓落嚟車頂，如果唔係我哋兩個就會被壓扁啦！」。