網民「7cr」在香港討論區高呼：「華人老細大部份都係孤寒人士」，結果一呼百應，網友唱好外資公司，底薪高、五天工作，還有遊艇、度假屋等福利。網友「bbc123」慨嘆：「好心哋又闊綽的華人老細多數都係結業收場！」扎卡維則認為：「華人老闆重情重義，當打工嘅人好似一家人看待，外國人老闆多數以朋友態度對下屬，各有各好處。」
「bansai」指華人老細在外國特別差：「每日做十幾個鐘，人工差過最低工資，又喜歡請非法勞工，賺好多錢卻逃稅，又唔買保險。唐人街啲華人話，識兩句英文都唔會打華人工！」「JesusMelmsteen」則認為：「華人老細唔係孤寒，只係冇人情味，死一個員工，仲有千千萬萬個！」
有網友唱反調
當網友們唱好外資時，「佟佳邁爾哥」有感而發：「我做嗰間韓國公司，福利真係差到冇人有，人工比中等略低，用人用到盡，冇利用價值就唔要！仲要隨時候命！」
「fai292386」對華人老細孤寒的說法不甚同意：「我爸爸替華人老闆做咗29年，上月尾退休，個老闆連長期服務金等都特別畀多啲佢，合計約100萬左右，華人老闆都有好人嘅！」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]