金紫荊頒獎禮是非越演越烈，繼未曾在港上映的《出埃及記》竟可以獲十項提名受非議後，昨日又有消息指過去由影評人協會主辦的金紫荊頒獎典禮，自去年起已改由金紫荊主席蔡繼光及何緯豐兩位股東持有的「金紫荊文化發展基金有限公司」作私人經營，予人以權謀私之感。
記者昨日致電導演會會長張同祖查詢頒獎禮的是非時，他說：「以前金紫荊獎由影評人協會主辦，但𠵱家由蔡繼光同何緯豐間私人公司主辦，仲攞咗金紫荊獎項呢個名字，但佢哋從來冇出嚟交待過件事，個評審機制又冇公開，只係畀800蚊報名費就可以入選，好似欺騙咁。」
電影公司贊助經費
記者昨日致電金紫荊主席蔡繼光查詢，他說：「係影評人協會授權我哋成立公司去搞，而所有賺取嘅盈利都會用作『金紫荊文化發展基金有限公司』嘅日常經營，所以以權謀私係唔成立。」但翻查資料顯示，影評人協會去年的主席為何緯豐，由他授權自己成立公司主辦，實在耐人尋味。
蔡繼光昨晚在頒獎禮舉行前接受訪問時說：「營運經費嘅得來有部份係電影機構、有心人或電影公司贊助。」問電影公司贊助跟有份提名可有利益衝突，他說：「搵贊助同營運嘅係兩班人，所以冇衝突。」
採訪：何永寧