打工仔有時慳得就慳，帶備住家飯返工做午餐；有時工作多，會叫外賣醫肚；有時做到失神，吃零食喚醒飄走的靈魂繼續努力工作，但網民KAMMY的老闆認為：「公司請大家返嚟唔係食嘢㗎喎！」
KAMMY在「蘋果講場」中叫苦：「大老闆唔鍾意間公司成陣飯味同橙味，同埋啲零食惹蛇蟲鼠蟻會整壞電腦喎，pantry（茶水間）仲大大隻字貼住嚴禁進食，真係低能到爆呀！」
「唔係請你返嚟食嘢」
不過，網友狗皇帝反對KAMMY的講法：「公司係人哋㗎，老闆鍾意點都得啦，事實唔係請你返嚟食嘢喎！我以前個老闆規定officehour唔准食嘢，九點前可以食早餐，九點後唔好俾佢見到，實warning（警告）㗎！唔明𠵱家啲人工作態度同我以前嗰輩差咁遠？pantry有水你飲算係咁啦！」
CHIU則驚訝地說：「唔係啩？食嘢可令員工keep住坐喺度做嘢㗎喎！如果啲人趕緊嘢，咁咪無得食囉？」
同人唔同命，同遮唔同柄，BEBEE公司的茶水間應有盡有：「所有小食同汽水都係由公司供應，全部都係免費㗎！逢星期五仲有免費早餐！」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]