楊怡、AnaR.及楊秀惠前晚在沙田為一手袋品牌擔任模特兒，楊怡十分欣賞男性願幫女友孭手袋，她說：「男仔肯幫女仔孭袋好有風度，自己細袋就唔會叫佢拎，係大袋就唔理friend定唔friend都叫佢哋攞，呢啲會係好男人，嫁得過。」問她單憑此擇偶未免太簡單，她說：「都會觀察其他。」問楊怡以往的男朋友是否也有幫她拿手袋，她說：「都有，但唔夠主動，通常要出聲。」
AnaR.母曾整容
此外，問AnaR.可知有女子因使用羊胎素護膚品而成植物人，她聞言說：「我未去到用羊胎素嘅年紀，要揀都會揀打botox。」她透露其母的眼部曾整容，AnaR.說：「所以媽咪以前個樣同𠵱家有啲唔同，韓國女仔喺讀完書就被問會唔會考慮整容，我就話唔使整，所以冇整到。」
採訪：胡比
攝影：陳順禎