陳沛嘉（Balia）去年曾發聲明暗示遭同行陳嘉容（Eunis）搞手段，封殺兩年斷米路。前晚這一對死敵在銅鑼灣舉行的Kerastase髮型騷上寃家碰頭，陳嘉容露打底膠紙行騷，陳沛嘉升格做嘉賓，完騷大合照時，兩人一左一右，隔開幾個身位。之後被要求合照時，兩人即互相交戲，陳嘉容更主動扮老友攬腰傾偈，但影完相即以趕時間為由火速閃人。
晒命讚男友
對於被指不肯與陳沛嘉同台，陳嘉容說：「你哋唔好咁講，各有各嘅工作，最緊要大家有嘢做。」陳沛嘉被問到同場待遇及身份均高過對頭人，也同樣扮大方說：「唔好咁樣講，我今日係嘉賓，又係用家，有時我都會係model身份。」她又拒評陳嘉容與丈夫Ricky離婚一事，但就晒命大讚自己男友彭文堅說：「佢絕對唔會用粗口鬧我，佢係最好嘅男人，好抵錫！」
採訪、攝影：RitaLeung