萬人迷木村拓哉主演嘅電影版《律政英雄》將於本周六喺日本開畫，宣傳攻勢亦一浪接一浪。電影前日喺台場一間戲院舉行「HERODAY」活動，一口氣播出電視版11集以及電影優先場，身為男主角嘅木村神秘現身，令現場250名觀眾非常興奮，當中仲有19位嘅司法系學生。另外，《律》片將於10月18日喺香港上映，而韓國更會喺當地250間戲院上映，打破日本電影片當地開畫戲院數目紀錄。