【本報訊】本報今次抽取12個冰粒樣本化驗，含菌量最低的是本地名牌翠華茶餐廳，數字上甚至比跨國集團麥當勞優勝。身兼翠華茶餐廳顧問的香港餐飲聯業協會會長伍得良表示，處理冰粒講求職員態度嚴謹，必須當成食品一樣，才可避免細菌交叉感染。
定期洗製冰機過濾器
伍得良強調，放在飲品中的冰粒，職員必須當成食品處理。他以翠華茶餐廳為例，職員須戴上手套避免直接接觸冰粒，又會像分開處理生熟食物一樣，避免讓冰粒接觸其他溫熱食品，以及未經煮熟的食品：「其實呢啲都係好簡單嘅常識，但好多人做起上嚟就會大意或者態度隨便。」
近年大型食肆都有製冰機自製冰粒，伍得良說，以翠華中環總店為例便有三部製冰機，每日合共生產1,500磅冰粒：「呢啲製冰機嘅過濾器一定要定期清洗，溫度要保持喺攝氏零下4度，唔可以放其他嘢，咁至可以確保冰粒衞生可食用。」但他慨嘆非所有食肆都會將冰當成食物般嚴謹處理。「我知道有啲食肆會用部機嚟放汽水或者鮮奶，當成雪櫃咁用，咁就令啲冰容易被污染。」
小型食肆則由於沒有製冰機，需向供應商購買冰粒，質量保證較自用製冰機為低。
粗心職員用手拿冰塊
伍得良指出，現時市場上的冰粒供應商都有完善衞生監察制度，他相信有食肆的冰粒含菌量超標，主因是處理時掉以輕心。「機器係死嘅，人係活嘅，如果人喺處理過程時做得唔好，更好嘅機器都可以出事。」銀龍茶餐廳經理劉先生則表示，同業中以舊式茶餐廳對冰塊處理較鬆懈，水吧職員通常直接用手接觸冰塊。