DiorHomme前晚在置地文華MOBar舉行盛大派對，自言代表女子組出席的薛芷倫，在場發表hotguy理論，指出席的型男《珍珠港》男星佐斯哈尼特、韓星李東健、本地的吳彥祖和馮德倫都是hotguy，現階段她只追求愛情滋潤，只要niceguy同hotguy，搵老公則要goodguy，但大部份男士都是「仆」guy，即都是沒風度，不懂尊重女人的男人。
法國超級品牌DiorHomme為慶祝置地廣場新店開幕，前晚廣招荷李活型男、《珍珠港》（PearlHarbor）男星佐斯哈尼特（JoshHartnett）、韓星李東健到港出席在置地文華MOBar舉行的派對，本地代表則有吳彥祖、馮德倫、余文樂及黃耀明等，名媛如薛芷倫、何超瓊、林學華、萬寶寶和陳見飛等「奉旨」前來睇型男。
風度最重要
薛芷倫身穿Dior性感肉色傘裙上陣，她笑言為是夜的女子組代表，問她最欣賞那位型男時，她笑說：「各有各好，全部都好有風度，男士最緊要有風度，四個都係hotguy。」
問是否其杯中茶時，薛芷倫即發表男士偉論說：「搵男友就要niceguy，以愛情火花滋潤嘅就要搵hotguy，老公係講求相處，就要goodguy。」在場有人笑說她有否遇過「仆」guy，她說：「大部份男人都係呢種，冇風度，唔尊重女人，想佔便宜，言語上已經造成騷擾。」
拍拖講溝通
薛芷倫續說：「𠵱家自己大個咗識睇，見到呢啲人唔會睬佢，當佢透明，所以我都會教囝囝要尊重女性，同埋自己𠵱家都係想搵hotguy為主。」問到前夫馬清偉屬於那種男士，她說：「唔講佢，唔針對任何人嚟講。」
此外，薛芷倫謂李東健與佐斯哈尼特同樣英俊，提到韓國人十分大男人主義時，她說：「外國人都會大男人，兩個都好靚仔，拍拖最緊要溝通到，唔係幾靚仔都冇用。」
採訪：RitaLeung
攝影：DickyChan
