鄭中基前晚喺澳門威尼斯人度假村酒店表演，留鬚渣嘅佢着咗件黑色閃片豪華運動裝，喺一個坐滿近百名賭客嘅賭廳內獻唱，台下有人邊聽歌邊賭錢，亦有人聞聲而至捧場，但因為音響效果麻麻同埋現場太嘈，有賭客大叫：「唔夠大聲呀！」鄭中基聽到後即刻講笑話：「咁我細聲啲囉。」但佢呢個gag實在好爛，所以觀眾冇反應。