寇鴻萍與兩個女兒很親密，小時候母女臨睡前會傾心事，假日去遊艇會游泳、溜冰。訪問當日，寇鴻萍都有到場預覽過女兒要穿的衣服，但訪問時段就留待她自行應對。
肉赤女兒行性感
看到唐貝詩做事盡力，又做模特兒賺留學生活費，寇鴻萍開心女兒自力更生，但不主張她入娛樂圈，寇鴻萍說：「我係過來人，好明白做娛樂圈係一條難行嘅路，因為付出唔一定成正比，好勤力都唔一定會紅，做藝人要講運氣、觀眾緣、機會，唔係咁容易成功。」
寇鴻萍續說：「阿女𠵱家接一個騷，幾個鐘頭就有五位數字收入，等於普通人打一個月工，又好玩，佢一定會心郁郁，冇得阻止佢，惟有同佢講：『你做乜都好，都要做到最好！』其他等佢自己諗，我點理得咁多。」話雖如此，訪問當日，寇鴻萍一見女兒的服飾，就不停口訓話嘮叨她PSP天使打扮太性感，心痛又肉赤女兒不懂保護自己……口上雖硬，心中還是緊張，畢竟是寶貝女。