【本報訊】「今次中空寶事件，最大贏家就係賭場本身啦、哈哈！」有40年賭博經驗、自稱「資深博彩人」的立法會議員詹培忠（圖）笑言因為經博彩監管局仲裁證實老虎機故障，不需賠償彩金，同時各大媒體追訪更令賭場名字日日見報「好過賣廣告」。不過詹培忠指，事件確因老虎機失靈而起，他建議賭場按出事老虎機最高派彩額的5%賠給賭客，既可令賭客好下台，又為賭場贏來聲譽，一舉兩得。
議員:仲有幾多部壞機
澳門立法會議員吳國昌則指，這次中空寶事件值得反思，「究竟賭場仲有幾多部壞機呢？賭場容忍壞機收賭注又有冇責任呢？」他指出，賭客進入賭場博彩，只會關心投注是否中獎，但若下注後，博彩機顯示中獎，但賭場又突然指機件失靈不會賠償，這種情況其實十分兒戲，更會降低賭場的公信力及破壞形象。
他認為事件值得澳門各賭場引以為鑑，例如增加巡查老虎機運作是否正常，避免出現同類事故！
必須出現jackpot圖案
澳門幸運博彩業職工會理事長鄭康樂則說，角子老虎機等博彩機的中獎定義「必須係老虎機出現中jackpot圖案，否則就算機身電腦屏幕顯示中獎字句或打出彩金額，亦唔算數，冇得派彩！」他指事件可能因老虎機電腦軟件故障，賭場需要將軟件交博彩監察協調局調查仲裁，賭場亦會翻查閉路電視錄影帶了解事發情況。他續稱，澳門博彩條例規定，中獎必賠，雖然現時賭場不會照賠4,000萬彩金，但最低限度應償還賭客所下注金額。
記者昨天聯絡澳門博彩娛樂有限公司，以及金沙、永利、威尼斯人等賭場，但均無對事件作出回應。