每年暑期，Ball場就會湧現新人類。今年夏天，寇鴻萍的19歲女兒唐貝詩以甜美樣貌及青春性感，成功紅爆社交圈。愛寫英文詩的唐貝詩，為升讀大學商科賺生活費，兼職模特兒，着比堅尼行騷、搞派對，一個暑期賺到六位數字，聰明性感背後，一切只因「新鮮好玩！」 撰文：DebbieLum
放洋留學的名人子女，每逢暑期返港，玩樂反轉Ball場，總會冒出不少新血。去年爆出霍英東幾名孫仔孫女，霍啓人攬女鋤啤、霍詠詩大批觀音兵；今年暑期最紅，肯定要數寇鴻萍的長女、只有19歲的唐貝詩。
在英國MalvernCollege讀完高中的唐貝詩，7月回港在母親旗下酒吧FEVAR做暑期工，擁一雙甜美大眼、愛social的個性，率先令社交圈中人眼前一亮。其後她兼任模特兒賺外快，不拘性感，行quiksilver泳衣騷，搞比堅尼派對。今個星期PSP宣傳活動，唐貝詩的羽毛黑天使造型，更成功揮低上位中的「動漫Maggie」李曼筠，成為全場焦點。8月份，唐貝詩成為多日ball場頭條女郎，風頭一時無兩。
最愛精采夜生活
為宣傳FEVAR大搞主題派對，唐貝詩訪問當日變身沙灘女郎、扮壞學生、示範華麗低胸裙，絕無扭擰。唐貝詩坦言對這一切一切都感到很新鮮好玩，她說：「好鍾意，好好玩！尤其做專訪最好玩，可以試唔同造型，返咗香港三個月，生活又充實又好玩！」
唐貝詩在FEVAR工作，返下午五時半，夜晚收凌晨兩三點，與她的中學生活截然不同，她說：「學UnclePatrick（梁廷鏘）講，Malvernhill（她就讀的中學附近）好似仙境咁靚，山山水水好吸引，但始終係鄉下地方，好悶，冇香港咁精采，咁得意，我每年都想返嚟。」
19歲的唐貝詩是名人之後，身材又出眾，做model行騷，理所當然被安排穿特別性感的服裝，她對此說：「我都唔知，佢哋安排我咪着囉，不過sexy唔緊要，我唔介意，最緊要靚。」言談間，其實她都有着19歲女生的簡單思維，她說：「但係有時我都介意，不過，我以為做model畀你就要着，我唔知可以sayno，算啦。其實我最介意嘅係啲報紙點樣寫我，點解要寫我發姣？我冇喎！」恨做明星嗎？「又冇喎，我對呢方面冇乜fantasy（幻想），可能自細見得多契媽（鄭裕玲）同媽咪啲朋友，不過我好欣賞香港藝人，覺得佢哋好勤力。」
帶頭穿bikini迎賓
模特兒工作由媽咪發辦，FEVAR則由唐貝詩做搞手，她更瞓身落力大搞主題派對，其中比堅尼泳衣派對，她更帶頭穿bikinitop在門口迎賓，全晚大收旺場。唐貝詩謂本月中離港前，一定再搞一次bikiniparty。她說：「我做過一啲research，香港有啲club開比堅尼派對，但全場冇人着泳衣，或者只有女仔着，變咗啲女仔嚟玩，好似好蝕底俾人昅。Bikiniparty唔係咁，應該全場投入一齊着，先感受到氣氛，先好玩，搞之前媽咪都反對，即刻話：『吓？阿女，搞得唔好會俾人話淫亂派對！』事實證明，正經party係冇問題，如果冬天我返香港，仲會再搞一次。」
攝影：RickyChan
服裝：JustCavalli、Quiksilver
場地：FEVARCLUB（加州大廈）
髮型：ArthurPoonofIlColpoTripleEdge
化妝：KylieChan
人物誌：唐貝詩（Lydia）
年齡：19歲
出生日期：88年7月10日
血型：O型
背景：母親寇鴻萍是82年港姐季軍，另有一妹唐貝欣，契媽為鄭裕玲
學歷：曾就讀香港瑪利曼中學，15歲升讀英國MalvernCollege，9月入讀倫敦大學商業管理系
男仔頭變美少女
唐貝詩自小是的骰大眼妹，反叛期曾以男仔頭短髮示人，17歲時在帛琉度假，搖身一變成為亭亭玉立的美少女。
