謝霆鋒與張栢芝的愛情結晶品Lucas將於明天滿月，作為爺爺的謝賢（四哥）昨日喜氣洋洋地拿出手機，展示他與孫兒的合照，四哥覺得Lucas高鼻樑似爺爺，面形像母親，頭髮像父親，有一點像自己讓他倍感安慰，笑言孫兒是大廠出品。
謝賢昨日在旺角接受無綫《志雲飯局》訪問，獲陳志雲送贈一籃紅雞蛋及一部紅色相機，他卻為有型寧要黑色相機，陳志雲謂該相機可讓他追蹤孫兒的笑容，四哥即開心地展示自己與孫兒的合照，他說：「醫生話佢似我，真係好安慰。佢鼻高高似我，頭髮似霆鋒，面形似栢芝，手指長長好實淨，大廠出品呀。」問到會否擺滿月酒，四哥說：「吓，我唔知喎，問霆鋒啦，我乜都冇問。」
冇幫手餵奶
有記者問四哥有否幫手餵奶時，他即大笑說：「癡線，我點餵？佢餵人奶㗎，星巴你吖喇！」四哥大讚栢芝一直是個靚靚孕婦，現在也收身成功，他說：「佢好乖，話要生三個，肯為霆鋒生仔放棄事業。」問他有何獎勵給栢芝？四哥說：「咁過時，得閒去湊吓孫就好開心啦。」
陳志雲透露節目中會問四哥如何保青春，有否打羊胎素及怎樣與分手女友維繫友誼等問題，四哥說：「我冇打羊胎素，你當我係阿……乜咩。拉姑都冇打，我只知有個女演員用人胎素畀個男演員食，但食咗都差唔多年紀。」
笑稱乜都假
四哥又謂20多年前在台灣一髮型屋洗頭，幾位師奶客人夾錢要洗頭師傅拉起其頭髮，看有沒有拉皮的線，四哥笑說：「我腰鑲鋼板，頭髮係種嘅，眼都整過。」
此外，陳志雲被問到《味分高下》遭投訴浪費食物一事時說：「個節目幾成功，第一集有25點收視，之後有28點。因為節目時間太短，冇乜時間畀嘉賓試食，先會覺得浪費，其實節目有好多資訊，介紹食物嘅營養，只係唔用咁嚴肅方法去講。」
採訪、攝影：胡比
