來自日本的木村乃（中村琉衣）因為擔任ILoveYouBoyzDVD中的女主角而為人認識，現時她已簽約成為藝人，希望留港發展，闖一番事業。原來木村乃於中學時已經十分熱愛香港，香港是她夢寐以求一到的地方，所以她努力讀書拿取獎學金，目的是可以到中國留學，她以英語夾雜普通話說：「我一直都好鍾意香港呢個地方，我一直都好想喺香港住，平時我好鍾意睇香港嘅電影，特別係周星馳嘅戲。如果日後有機會畀我同佢合作就好啦。」
後悔廣州求學
不過木村乃當年為了來香港一遊，曾作出一個錯誤的決定，至今她仍有點後悔，她說：「當年我拎獎學金可以揀去清華大學、復旦大學同廣州嘅大學，當時我認為廣州係最近香港嘅地方，所以生活上廣州人都會同香港差唔多，於是就放棄咗去上海同北京兩個大城市。點知去到廣州先發覺同香港係兩回事，去咗當地生活一年半，我好多時都係喊住咁過日子。」
採訪：李珮洳 攝影：陳志嵐
髮型：BenYeungofi-chiHair
