李克勤噚日到商台接受訪問，提到有雜誌話佢有產前抑鬱兼憑歌寄意講婚姻出現問題，佢覺得好無奈，點解好地地要咁黑心，佢澄清同太太一切如常，生活愉快。近日唔少朋友問候佢，仲介紹佢食抗抑鬱藥，佢話呢次睇完報道就真係有抑鬱。雖然老婆大肚，克勤仍然工作無休，佢話因為要賺多啲錢醫抑鬱喎！