31/08/2007.....
天晴
最新動態
歐洲球壇享負盛名，有球壇兵工廠之稱嘅阿積士，連續兩屆失落歐聯分組賽席位，不過相信一向力撐荷蘭足球嘅友儕吾中同我，都唔會感到太失望；佢哋今夏一如以往續輸出天才橫溢嘅新星，連賴恩仔同史奈達也離去，收番4、5億港元轉會費，唔錯喎。返番國內，由史譚、加比等老鬼，帶住班新人專心踢聯賽，賭友有福就真。
身為阿仙奴躉，但班波近屆冇乜錢擴軍兼重用新人，冇冠軍喺手都唔意外；我無意貶低或係妒忌一眾豪氣萬千嘅歐洲強豪，但臨近轉會市場關閉，你會見到唔少荒誕嘅交易，只求就手，便花掉數千萬，甚至過億港元，相信「卡臣楊」都會嚇到腳軟。
英超盛世泡沫浮現，列強混戰，我自問冇把握向波友推介好似周中紅鑽Ｗ咁實牙實齒；我賭大錢從來都喜向冷門聯賽埋手，今晚荷甲阿爾克馬爾主場出擊，大勝可期，要賭錢買荷甲列強；要向佩亞達致敬，當然要睇直播嘅超級盃。
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/
逢周一至五見報