今日是周麗淇（Niki）28歲生日，日前她和fans一起到元朗大棠荔枝園慶祝，大夥兒玩騎馬、騎牛牛、繩索、種菜和摘龍眼，過了開心又充實的一天，她昨日接受本報電話訪問說：「我騎馬唔叻，隻馬係我拍《秀才遇著兵》時騎過嘅，我專登搵番佢，佢個名叫做大哥。同fans喺戶外過生日佢哋會開心啲，玩咗成日，我成個人散晒，真係好攰。」
Fans做善事
周麗淇呼籲fans不要送禮物，fans於是親手做了大蛋糕送給她，將買禮物的錢捐出來做慈善，Niki說：「佢哋真係好乖，有啲fans仲捐成500同1,000蚊。我𠵱家孭住三個大使身份，分別係心晴、微笑同埋培苗行動，fans捐嘅錢，我會平均分三份捐出去，幫助有需要嘅人。」
採訪：葉雪