卓韻芝在電影《出埃及記》中，讓任達華認定少妻劉心悠是終身伴侶，可是兩人卻相對無言，結果他搭上溫碧霞，觸發心悠動殺機。絕望的愛情故事，從一開始就注定三敗俱傷。
由彭浩翔執導的電影《出埃及記》，找來商台DJ卓韻芝負責編劇，故事的「精神」是男人沒分好壞，只有壞和更壞之分。男人本該只用來配種，完事後就可將之殺絕，一個在女廁組成的殺壞男人組織由此而起。血腥背後，其實是絕望的愛情故事。
「男人幾可愛」
上述觀點來自導演，對於男人，卓韻芝另有一番見解：「我唔相信呢個世界會有一個咁嘅組織，我係傳統中國人，我相信呢個世界有陰有陽先得，如果陰盛陽衰人類就會滅絕，係導演（彭浩翔）先至咁變態諗埋啲咁嘅嘢，我覺得男人都唔知幾可愛！」
卓韻芝對自己的愛情故事口密得很，最新消息也是數月前她接受金融界才俊男友求婚，明年結婚。卓韻芝找到愛情路上的摩西，帶領她走過人生低谷，可是筆下的愛情故事，卻瀰漫驅之不散的低氣壓。劉心悠遇上比她年紀大得多的任達華，以為找到救贖，怎料相處下來卻相對無言，丈夫更情陷溫碧霞。
卓韻芝說：「劉心悠同任達華雖然係有名份，但相對無言，咁係咪叫好結果？好似溫碧霞同任達華咁，佢哋雖然係冇名份，但感情好穩定，有交流，咁又係唔係幸福？」幸與不幸，最重要原來還得看對手是誰。
調子太沉重
曾先後為《初戀嗱喳麵》和《戀愛起義》等電影擔任編劇的卓韻芝，自言《出》片是一個氣氛最無奈的愛情故事，調子最沉重，她說：「部戲係講一個50歲、動彈不得嘅男人，感情去到呢個地步，好無奈。我最深刻一句對白係任達華偷偷去查溫碧霞嘅背景，發覺佢原來離咗婚，於是問佢點解分開，溫碧霞就不慍不火咁答﹕『兩個人分開嚟嚟去去都係嗰幾個理由㗎啦。』我問過好多結婚多年嘅朋友，佢哋都話兩夫婦係會冇乜嘢講，每晚都係你有你瞓，我有我湊女，其實咁係冇問題，直至其中一個改變，覺得咁嘅生活好沉悶，開始唔滿足，咁先至有問題出現。」
難怪愛情生活如意的卓韻芝表明全片絕無其個人影子──喜歡她的讀者，都希望看到快樂的大團圓結局。
採訪：吳佩思 攝影：陳志嵐
