校褸是全套校服的一部份，卻原來網民眼中的校褸，是「史上最失敗之設計」，他們狠批校褸款式老套兼核突，不保暖之餘還十分笨重，價錢又貴。不過，網友「nimitz_2號艦」認為校褸唯一最好的用途：「可以防𠝹刀、防撞、收藏零食及違禁品。」「小淆」補充：「有年我班同學考試嗰陣帶埋氣槍，放學去隔鄰公園開戰，支槍就塞入校褸內袋度！」
網友「1872333」在高登討論區中發帖狂轟校褸：「外觀成個龜殼咁，顏色多數係啡色，見過有學校係綠色加黃邊，冇實際用途，只係着嚟影相，非常笨重，着校褸揹書包會有困難！」網友「五港德」附和：「着住成個機械人咁，唔着又要搵地方放件褸。」「花生人氏」哭着說校褸是亁濕褸款：「全校變成亁濕褸怪客！」「不明白」認為係商業陰謀：「校褸啲料都冇人用嘅，都唔知係咪啲製衣商見啲料賣唔出，就用嚟整校褸！」
又厚又硬又貴
除校褸外，其他校服「配件」也不見得追上潮流，「凍拉茶」最慘，他中學時的校服竟是「小丑裝」：「綠校褸+灰西褲+黃恤衫+紅呔！」「高登登入名稱」氣憤說：「件校褸唔暖又厚又硬又貴又難收藏；學校又唔理你凍死定熱死，一定要帶，唔帶就一入門口會俾訓導或風紀捉住嚟鬧！」
《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]