30/08/2007.....
天陰多雲
最新動態
人生如戲，數字人生，我喺擂台都一樣。眾名家每個月都為保名聲，拚盡希望做「一哥」，或者避免做「燈哥」，只見臨近月尾各人都狠狠地重注出手，波友咪誤會我係病態賭徒；連歐協盃都真金白銀下重注，就真係病態。
佩亞達早逝，波友痛惜，連球彩台女主持都流下幾滴眼淚，悲劇已成事實，最重要顧住未亡人；不過相信呢位鑽石左閘嘅妻兒，下半世都會有足夠嘅保障。我反而對本地有報道指一位78歲嘅阿伯，走去打劫博政府同情，更感難過。
活在世上，冇人知期限，所以最重要懂得珍惜現在，享受過程，臨老也要鋌而走險，實在令人唏噓；所以趁後生有能力都應該識得為自己打算，買股票買保險，積穀防飢。賭波，大家都係量力而為，吼準出擊；有贏梗貼士？我就唔使放假都寫稿啦！
蘋果波神
沒有成功，沒有失敗，最重要你是否仍然享受箇中樂趣，否則不如不玩好了。
http://hk.myblog.yahoo.com/footballexperts/
逢周一至五見報